Yurtimizda kuz fasli hukmron. Meva va sabzavotlar g‘arq pishib, xalqimiz dasturxoniga tortiq etilgan. Katta-yu kichik — barcha ulardan bahramand bo‘layotir. Albatta, meva va sabzavotlarning foydali ekanini bolajonlarimizga uqtirishimiz lozim. Ayni jihatlarni hisobga olgan holda vohamizning har bir go‘shasidagi bog‘chalarda bolajonlarimiz uchun hosil bayrami o‘zgacha nishonlanayotir.
Jumladan, Angor tumanidagi 18-sonli Maktabgacha ta’lim muassasasida ham “Mehrjon” hosil bayrami o‘tkazildi. Tadbirda jajji bolajonlarimiz kuz faslida pishib yig‘ishtirib olinadigan hosildorlik bilan ham tanishib, o‘zlariga kerakli bilimga ega bo‘lishmoqda.
Ushbu bayram bolajonlarni bir-birlariga mehr-oqibatli boʻlishga undaydi. Bayram tadbirida bolajonlar kuy-qoʻshiq va raqslar ijro etib, bayramni ezgu umidlar va shod-u xurramlik bilan qarshi olishdi. Bolajonlarning quvnoq sahna koʻrinishlari-yu, shodon kulgulari tadbirga taklif etilgan mehmonlar dilini xushnud etdi.
D.Qo‘zimurotova
