Bir kontur — bir mahsulot

Har bir ekin turining u sabzavot, poliz ekini bo‘ladimi, bog‘dorchilik bo‘ladimi, o‘z qiyinchiligi bor. Muhimi, nima yetishtirishimizdan qat’i nazar o‘z ishimizning hadisini bilmog‘imiz darkor. Ana shundagina faqat va faqat foyda haqida o‘ylaymiz. Qolaversa, bir hududda faqat bir xil mahsulot yetishtirilsa, uni yetishtirish ham, sotish ham oson kechadi.
Termiz tumanidagi At-Termiziy mahallasida joylashgan 124-konturda “Bir kontur — bir mahsulot” tamoyili asosida tadbirkorlar tomonidan ko‘kat mahsulotlari yetishtirish yaxshi yo‘lga qo‘yilgan. Eksportbop hisoblangan mazkur mahsulotlarni yetishtirishda tadbirkorlarni har tomonlama qo‘llab-quvvatlash, ularga moliyaviy hamda texnik ko‘maklar ko‘rsatish choralari ko‘rilmoqda.
Mazkur jarayonlarni o‘rganish hamda tadbirkorlar bilan suhbatlashish maqsadida hududga tashrif buyurgan tuman hokimining birinchi o‘rinbosari Shuxrat Qalandarov hamda “Agrobank” ATB tuman filiali mutasaddilari qishloq xo‘jaligi tarmog‘ining el dasturxoni to‘kinchiligiga va bozorlar farovonligiga qo‘shadigan salmoqli hissasini alohida qayd etishdi.