Sport jismoniy chiniqtirsa, ruhiyatimizni-da ko‘taradi. Ichki yengillik his etamiz. Hayotga qarashlarimiz o‘zgaradi. Dangasalik chekinadi. Agar ishonmasangiz, qaysidir sport turida o‘zingizni sinab ko‘ring. Ayniqsa, jamoa bo‘lib o‘ynaladigan sport turlari yanada zavqli.
Bandixon tumani “Bandixon” mahallasida joylashgan Bolalar va o‘smirlar sport maktabida “Besh tashabbus olimpiadasi” doirasida O‘zbekiston mahallalari uyushmasi kubogi uchun mahalla yoshlari o‘rtasida sportning gandbol turi bo‘yicha o‘tkazilgan tuman bosqichi musobaqalari ishtirokchilarga ana shunday ta’sir qildi.
Musobaqada 17-30 yosh toifasidagi jamoalar ishtirok etdi. Qizg‘in kechgan bellashuvlarning finalida “Bahoriston” va “Bandixon” mahallalarining yoshlari jamoalari kurash olib bordi. “Bahoriston” mahallasi yoshlari 1-o‘rinni egallab, musobaqaninh viloyat bosqichiga yo‘llanmani qo‘lga kiritdi. Yakunda go‘lib jamoalarga hamkor tashkilotlarning diplom va qimmatbaho sovg‘alari topshirildi.
