Faxriy pedagoglar holidan хabar olindi

“1-oktyabr — O‘qituvchilar va murabbiylar kuni”da nafaqat ta’lim-tarbiya jarayonida javlon urib mehnat qilayotgan ta’lim fidoyilari, balki umrini sohaga baxshida etgan faxriy ustozlar ham e’tirof etildi. Ularning holidan xabar olinib, ustozlarning zahmatli va sharafli mehnatlari uchun minnatdorchilik bildirildi.
Keksalik gashtini surayotgan ustozlarning yuz-ko‘zida quvonch. Ular yo‘qlovdan mamnun holda o‘zlari faoliyat yuritgan yillarni esladilar. Esda qolarli voqealarni xotirlab, mehmonlarga so‘zlab berdilar. Shuningdek, ular bugungi kunda zamonamiz tinchligi, Prezidentimiz tomonidan olib borilayotgan odilona siyosat zaminida ta’limda katta yutuqlarga erishilayotgani, bu borada davlatimiz rahbariga chuqur minnatdorchiliklarini bildirdilar.