Vatanimiz mustaqilligining 33 yilligi viloyat barcha shahar va tumanlarida keng nishonlanmoqda. Ana shunday tantanali bayram arafasida Termiz tumani hokimi Shuxrat Nazarov 1-sonli davlat maktabgacha ta’lim tashkiloti kelajak avlodlari bilan uchrashdi. Ushbu muassasada tarbiyalanuvchi bolajonlar o‘zlarining Ona Vatan haqidagi she’rlarini o‘qib, sho‘x-shodon raqslarga tushdilar.
Shuningdek, tuman hokimi bolajonlar bilan dildan suhbatlashib, ularni ham bayram bilan tabrikladi. Yaxshi o‘qib o‘rganib, Vatan taraqqiyotiga hissa qo‘shadigan yetuk kadrlar bo‘lib yetishish, ota-onasi va Vataniga sadoqatli farzandlar bo‘lishi hamda kelajakda komil inson bo‘lib ulg‘ayishini tiladi.
D.Qo‘zimurotova
