E’tibor-u e’tirofga sazovor

Ijodkor inson go‘zallikka oshno bo‘ladi. Tabiat qo‘ynida sayr qildimi, yaxshi insonlar suhbatida bo‘ldimi, darrov nimadir qoralashga, lahzalarni suratlarga muhrlashga kirishadi. Ranglar qorishig‘i ila, oq qog‘ozga kishi tomoshasidan to‘ymaydigan san’at asari dunyoga keladi. Boysun tumanida “Besh tashabbus” olimpiadasi doirasida “Yosh musavvir” tanlovining tuman bosqichida ham yosh rassomlar tabiatdan, atrofdan ilhomlanib, surat chizishga tutindilar.
Jarayonni kuzatish zavqli va maroqli kechdi. Eng yaxshi suratlar hamaklar hay’atining e’tibori-yu e’tirofiga sazovor bo‘ldi. Tanlov natijalariga ko‘ra Maxvash
Narzullayeva va Zayniddin Qulto‘rayevlar 1-o‘rinni qo‘lga kiritdi va diplom hamda pul mukofotlari bilan rag‘batlantirildi.