“Vaxshivor”da ham…

O‘z kasbini sevgan inson yoshlarga saboq berish, bilganlarini o‘rgatish uchun o‘ziga imkon topishdan, tashabbus ko‘rsatishdan to‘xtamaydi. Oltinsoy tumani “Barkamol avlod” bolalar maktabining badiiy gimnastika to‘garagi rahbari Ruhshona Abdilazizova ham yozgi ta’tilda bo‘sh o‘tirishni istamadi.
U Oltinsoy tumanida tashkil etilgan “Vaxshivor” yozgi dam olish oromgohida faoliyat olib borishni afzal bildi. Bundan oromgohga kelgan yoshlar ham mamnun. Sababi, oromgohda dam olish maqsadida kelgan qizlar badiiy gimnastika sirlarini ham o‘rganishmoqda. To‘garak rahbari bu bilan kifoyalanmay, oromgohda dam olayotgan o‘quvchi-yoshlarning bo‘sh vaqtini mazmunli maqsadida to‘qish to‘garagiga yoshlarni jalb qilgan holda oromgohda faoliyat olib bormoqda.