Hayotimiz davomida hech bir ishimiz hisob-kitobsiz bo‘lmaydi. Vaholanki, matematika fanining inson hayotidagi o‘rni muhim ahamiyati ega. Matematika fanini mukammal o‘rganib, muntazam ravishda shug‘ullanib turgan insonning miyasi charxlanib, xotirasi yaxshilanadi.
Ana shunday yosh matematiklardan biri Angor tumanidagi 3-sonli ayrim fanlar chuqurlashtirilib o‘qitiladigan sinflari mavjud umumta’lim maktabining 8-sinf o‘quvchisi Javohir Anvarovdir. U al-Xorazmiy nomidagi yosh matematiklar xalqaro olimpiadasida ishtirok etib, ishtirokchilar orasida eng yuqori ball bilan faxrli 1-o‘rinni egalladi va oltin medal bilan taqdirlandi. Ushbu xalqaro olimpiadada yana bir surxondaryolik o‘quvchi esa kumush medalni qo‘lga kiritdi.
Dinara Qo‘zimurotova
