Bugun bir qarich yeri bordan boy odamning o‘zi yo‘q. Tuproqning har zarrasi oldinga teng deganlaridek, yeridan unumli foydalanayotganlarning-da topgani zar bo‘layotganini ko‘rib, kuzatib turibmiz. Sho‘rchi tumanidagi “Guliston” mahallasida issiqxona tashkil qilib, yaxshigina hosil olayotgan, qolaversa ro‘zg‘ori uchun daromad topayotgan mehnatkash insonlar ko‘pchilikni tashkil etadi.
Muyassar Shaymardonova ham qayinonasi bilan birga tomorqadagi bodring ko‘chatlarini parvarish qilmoqda. Yiliga uch-to‘rt bor hosil olib, kam bo‘lishmayapti.
Malika Ergasheva ham Muyassar opadan sira qolishmaydi. U kishi ham turmush o‘rtog‘i bilan maslahatlashib, tomorqasining 3 sotixida issiqxona tashkil etib, pomidor ko‘chatlarini mehr bilan parvarish qilmoqda. Baravj o‘sayotgan pomidorning hosili esa g‘ij-g‘ij.
“Guliston” mahallasidagi qaysi xonadonga bosh suqmang ana shunday mehnatkash insonlarni ish ustida uchratasiz. Ular bu bilan dasturxonini meva-sabzavot bilan to‘ldirib, ortganidan daromad ham ko‘rishayotgani ko‘rgan-u eshitganga eng yaxshi namuna va ibrat bo‘lishmoqda.
Har qarichning qadriga yetib…
Date:
Tavsiya qilamizRelated
E’tibor va g‘amxo‘rlik inson hayotini o‘zgartiradi
Jamiyatda inson qadrini ulug‘lash, ayniqsa, e’tibor va ko‘makka muhtoj...
Sharqiy Xitoy pedagogika universiteti bilan hamkorlik yo‘lga qo‘yiladi
Sharqiy Xitoy pedagogika universitetining Markaziy Osiyo tadqiqotlari markazi direktori,...
TerDUda Harbiy tayyorgarlik o‘quv markazi tashkil etilmoqda
Termiz davlat universitetida talabalar uchun yangi imkoniyat — Harbiy...
Tojikistonda o‘zbekzabon aholi uchun yangi maktablar quriladi
Tojikiston Prezidenti Imomali Rahmon mamlakatdagi o‘zbekzabon aholining ona tilida...
