Iftorlik dasturxoni yozildi

Xalqimiz orasida ezgulik, saxovat, mehr-oqibat va shukronalik timsoli bo‘lgan Ramazon oyida kishilarning ko‘nglini ko‘tarish, ularga hurmat va ehtirom ko‘rsatish azaliy qadriyatlarimizdan sanaladi. Angor tumanida ham shunday qutlug‘ kunlarda ro‘zadorlar uchun iftorliklar tashkil etilib, xayr-u saxovat tadbirlari olib borilmoqda.
Navro‘z bayrami ham muqaddas Ramazon oyida nishonlanayotgani sabab tuman markaziy o‘yingohida iftorlik dasturxoni tashkil etildi. Tadbirda Qur’on tilovat qilinib, yurtimizga tinchlik va farovonlik, xalqimizga to‘kin-sochinlik va qut-baraka tilab duolar qilindi va bugungi osoyishta hayotimizga shukronalar keltirildi.