Jarqo‘rg‘onda to‘qsonbosti usulida sabzavot yetishtirish bo‘yicha amaliy ishlar boshlandi. “Safar Qahramon” fermer xo‘jaligi dalasida o‘tkazilgan ko‘rgazmali seminarda fermer va dehqon xo‘jaliklari rahbarlariga ekin turini hududning tuproq, iqlim va suv sharoitiga mos tanlashdan tortib, ekish, parvarishlash va hosilni realizatsiya qilishgacha bo‘lgan jarayonlar amalda ko‘rsatib berildi.
Tavsiyalar nafaqat asosiy maydonlar, balki bog‘-tok qator oralari, dala chetlari va aholi tomorqalaridan unumli foydalanishga ham qaratildi. Bu esa kuz-qish mavsumida qo‘shimcha hosil yetishtirish imkoniyatlarini kengaytirishga xizmat qiladi.
