Toshkentda o‘tayotgan “ICT Week Uzbekistan-2026” xalqaro haftaligida Surxondaryo viloyati hokimligi delegatsiyasi xorijiy IT kompaniyalari bilan hamkorlik istiqbollarini muhokama qilmoqda.
Muzokaralarda Gruziya, Xitoy, Rossiya, Buyuk Britaniya, Janubiy Koreya va Ummonning 10 ga yaqin kompaniyalari vakillari bilan Surxondaryoda filiallar ochish, yangi IT loyihalarini yo‘lga qo‘yish, zamonaviy texnologiyalarni hududga jalb etish va sun’iy intellektga asoslangan yechimlarni joriy qilish masalalari ko‘rib chiqildi.
Kelishuvlar amalga oshsa, xalqaro IT kompaniyalari bilan hamkorlik hududda raqamli xizmatlar ko‘lamini kengaytirish va yangi texnologik loyihalar uchun qo‘shimcha imkoniyatlar yaratishi kutilmoqda.
