Termiz tumanidan bir guruh nuroniy otaxon va onaxonlar yurtimizning qadimiy shaharlaridan biri — Samarqandga sayohatga yo‘l oldi.
Safar oldidan tuman hokimligi tadbirlar maydonida nuroniylarni kuzatish marosimi o‘tkazildi. Unda tuman hokimi Shuhrat Qalandarov ishtirok etib, otaxon va onaxonlar bilan samimiy suhbatlashdi hamda ularga mazmunli va fayzli safar tilab, oq yo‘l tiladi.
Nuroniylar yurtimizda keksa avlod vakillariga ko‘rsatilayotgan e’tibor va g‘amxo‘rlik uchun minnatdorliklarini bildirdi.
Tadbir yakunida nuroniylar yurtimiz tinchligi va osoyishtaligi, xalqimiz farovonligi hamda yurtimiz taraqqiyoti uchun duo qildilar.
