Inson salomatligi uchun avvalo sog‘lom turmush tarzini shakllantirish muhim ahamiyatga ega. Buning uchun doimiy uzluksiz ravishda bajariladigan jismoniy harakat kishi sog‘lig‘iga ijobiy ta’sir ko‘rsatadi. Xususan, organizmda modda almashinuvi yaxshilanadi, yurak chiniqadi va yanada chidamli bo‘ladi. Shu sababli faol jismoniy harakat qiluvchi kishilar doim tetik, ruhan yengil, baquvvat, kayfiyati yuqori, bo‘ladi.
Shuningdek, uxlashdan oldin va keyin muntazam ravishda ochiq havoda sayr qilish organizmning immun tizimini kuchaytiradi. Agar har kuni kamida 25-30 daqiqa yugurib, turli mashqlarni bajarsak, o‘zimizdagi ijobiy o‘zgarishlarni tezda payqaymiz. Jumladan, yurak-qon-tomir funksiyasi faollashgani, nafas olishimiz yaxshilangani, suyaklarimiz mustahkamlanib, muskullarimiz yanada kuchli bo‘lgani yaqqol seziladi.
Shunday ekan, yoshlarni sportga bo‘lgan qiziqishini oshirish, sog‘lom turmush tarzini shakllantirish hamda ularning bo‘sh vaqtlarini mazmunli o‘tkazish maqsadida har bir mahallalarda mini stadionlar tashkil qilingan. Jumladan, Termiz shahar prokurori, 2-sektor rahbari X.Mamatqulovning tashabbusi bilan 2-sektor hududidagi “Baynalminal” mahallasi yoshlari bo‘sh vaqtlarini mazmunli o‘tkazishi, sport bilan shug‘ullanishlari va sog‘lom turmush tarzini targ‘ib qilish maqsadida mahalla hududida “WORKAUT” sport maydonchasi qurib berilmoqda.
Dinara Mahmudova
