Grant sohibi bo‘lishdi

Har birimiz o‘qishda bo‘ladimi ishda shunchaki soya kabi bo‘lishni istamaymiz. O‘qiymiz, ishlaymiz, izlanamiz, o‘z ustimizda ishlash bilan birga atrofdagilarga, jamiyatga naf keltirishga intilamiz. Bunda g‘oyalar, loyihalar ishlab chiqamiz va amaliyotga tatbiq etishga intilamiz. Bordi-yu, ular muvaffaqiyat qozonsa, munosib qo‘llab-quvvatlansa, bu bizni ruhlantirishi, yanada motivatsiya berishi aniq.
Termiz davlat universiteti yuridik fakultetining 3-kurs talabalari hayotida ana shunday voqea sodir bo‘ldi. Ular O‘zbekiston yoshlar ishlari agentligi hamda O‘zbekiston volontyorlar assotsiatsiyasi tomonidan o‘tkazilgan volontyorlik loyihalari tanlovida ishtirok etib, O‘g‘iloy Saitqulova “Renessans nihollari” loyihasi uchun 50 million, Davlatbek Abdiqahhorov “Yuridik ta’lim” o‘quv dasturi ijtimoiy-huquqiy loyihasi uchun 30 million so‘m miqdordagi grant sohibi bo‘lishdi.