MTT foydalanishga topshirildi

Maktabgacha ta’lim bola uchun muhim. Bu hayotining keyingi bosqichlarida tranpilin vositasini ham o‘taydi. Shu sababdan ham maktabgacha ta’lim tizimini rivojlantirishga alohida e’tibor qaratilib, hududlarda bog‘chalar faoliyati yo‘lga qo‘yilayotir. Qumqo‘rg‘on tumanidagi “Yangi shahar” mahallasida ham 50 o‘rinli 218-sonli oilaviy nodavlat maktabgacha ta’lim tashkiloti ham foydalanishga topshirildi.
Ushbu maktabgacha ta’lim tashkilotining ochilish marosimi mahalladagi yosh-u keksani birdek quvontirdi. Eng muhimi ushu muassasada bolajonlarning munosib ta’lim-tarbiya olishi, bo‘sh vaqtlarini mazmunli o‘tkazishi uchun barcha shart-sharoitlar yaratilgan. Qolaversa, tajribali va o‘z ishining ustalari bo‘lmish tarbiyachi-pedagoglarning jalb etilgani jajji o‘g‘il-qizlarni bilimli va salohiyatli bo‘lib ulg‘ayishiga xizmat qiladi.