Termiz shahridagi mahallalarda obodonlashtirish va ko‘kalamzorlashtirish ishlarining holati tanqidiy-tahliliy yig‘ilishda muhokama qilindi. Unda ayrim hududlarda avval berilgan topshiriqlar ijrosi sust tashkil etilgani ko‘rsatilib, kamchiliklarni qisqa muddatda bartaraf etish bo‘yicha mas’ullarga aniq vazifalar yuklatildi.
Xususan, ichki yo‘llar, piyodalar va velosiped yo‘laklarini ta’mirlash, hududlarni tartibga keltirish hamda ko‘kalamzorlashtirish ishlarini jadallashtirish topshirildi. Aholi o‘rtasida oqlash-bo‘yash va hashar ishlarini ham tizimli tashkil etish belgilandi. Belgilangan vazifalar ijrosi qat’iy nazoratga olindi.
