Surxondaryoning arxeologik merosini o‘rganish va asrashga qaratilgan xalqaro loyiha doirasida Kayrittepa yodgorligida tadqiqotlar olib borilmoqda. Termiz davlat universiteti hamda Fransiyaning Archéorient – UMR 5133 laboratoriyasi hamkorligidagi loyiha doirasida 22-sentabrdan 15-oktyabrgacha arxeologik qazishmalar, muhofaza va konservatsiya ishlari amalga oshirilmoqda.
ALIPH va Yevropa Ittifoqi ko‘magida tashkil etilgan tadqiqotlarda professor Shapulat Shaydullayev, Johanna Lhuillier, loyiha muvofiqlashtiruvchisi Ulug‘bek Shapulatov va konservatsiya mutaxassisi Chamsia Sadozaï ishtirok etmoqda. Jarayonlarga universitet doktorantlari, magistrantlari va talabalari ham jalb etilib, ular arxeologik yodgorliklarni o‘rganish va saqlash bo‘yicha amaliy tajriba orttirmoqda.
Loyiha natijalari Kayrittepaning ilmiy o‘rganilishi, asrab-avaylanishi va jamoatchilikka kengroq tanishtirilishiga xizmat qiladi.
