Surxondaryodagi harbiy qismlardan birida harbiy xizmatchilar oila a’zolari va xotin-qizlar bandligini ta’minlashga qaratilgan yangi tashabbus amalga oshirildi. Bu yerda zamonaviy tikuv sexi ish boshlagan bo‘lib, u so‘nggi rusumdagi tikuv mashinalari, bichish va tayyorlov stollari hamda zarur jihozlar bilan ta’minlangan.
Yorug‘ va shinam xonalarda mehnat qilayotgan chevarlar matolarni bichish, o‘lchash hamda kiyim-kechak va turli tekstil mahsulotlarini tayyorlash bilan shug‘ullanmoqda. Yangi sex xotin-qizlarga kasb-hunar egallash va doimiy daromad manbaiga ega bo‘lish imkonini berishi bilan ahamiyatli.
Mazkur ishlar harbiy xizmatchilar oilalarini ijtimoiy qo‘llab-quvvatlash va ularning bandligini ta’minlashga xizmat qilmoqda.
Islomjon Muxamadaliyev,
harbiy xizmatchi
