Baxshichilik san’atiga ixtisoslashtirilgan Respublika maktab-internati oliy toifali o‘qituvchisi O. Davlatov tomonidan Termiz tumanidagi 22-son umumta’lim maktabi o‘quvchilari uchun teatr san’ati va sahna nutqi yo‘nalishida mahorat darsi o‘tkazildi.
Mashg‘ulot davomida o‘quvchilarga sahnada to‘g‘ri va ravon so‘zlash, ovozdan to‘g‘ri foydalanish, talaffuz va diksiya, nafas olish hamda sahnaviy nutqning muhim jihatlari amaliy mashqlar orqali tushuntirildi.
Shuningdek, o‘quvchilarning ijodiy fikrlashi, sahna madaniyati, o‘zini erkin namoyon etishi va tomoshabin oldida dadil chiqish ko‘nikmalarini rivojlantirishga alohida e’tibor qaratildi.
Sahna mahorati — so‘z, ovoz va ijod uyg‘unligi!
