1-oktyabr — O‘qituvchi va murabbiylar kuni munosabati bilan Janubiy operativ qo‘mondonlik fakultetida bayram tadbiri o‘tkazildi.
Unda Janubi-G‘arbiy maxsus harbiy okrug Janubiy operativ qo‘mondonligi boshlig‘i, polkovnik Mirsaid Shukurov ishtirok etib, yosh avlodga ta’lim-tarbiya berayotgan, o‘z bilim va tajribasini ulashayotgan harbiy ustoz va murabbiylarni kasb bayrami bilan samimiy muborakbod etdi.
Tadbirda harbiy ta’lim sohasida faoliyat yuritayotgan ustozlarning professional mahorati, fidoyiligi va boy tajribasi malakali harbiy kadrlarni tayyorlashda muhim o‘rin tutishi ta’kidlandi. Tadbir yakunida o‘z kasbiga sadoqat bilan xizmat qilib kelayotgan harbiy ustozlarga faxriy yorliq va esdalik sovg‘alari tantanali ravishda topshirildi.
Bayram tadbiri ustoz va murabbiylarga yuksak hurmat va ehtirom ruhida o‘tdi.
