Farzandi xususiy maktabda ta’lim olayotgan ota-onalar uchun soliq olinmaydigan daromad chegarasi 3 million so‘mdan 6 million so‘mgacha oshiriladi.
Natijada oilalar yiliga 6–7 million so‘mgacha mablag‘ni tejashi mumkin. Soliq to‘lovlarini har oy yakunida avtomatik qaytarish tizimi ham yo‘lga qo‘yiladi.
Shuningdek, o‘quv yuklamasi yuqori bo‘lgan 52 ta tumanda xususiy maktablar ochilishi qo‘llab-quvvatlanadi. Buning uchun 7 yil muddatga 10 foizli imtiyozli kredit hamda maktabni ochish va jihozlash xarajatlarining 15 foizigacha, ko‘pi bilan 1,5 milliard so‘m subsidiya beriladi.
Bundan tashqari, bo‘sh davlat binolari xususiy maktab ochish uchun 10 yilga bepul ijaraga beriladi. Binosini maktabga ijaraga berganlarga esa yer va mol-mulk solig‘i bo‘yicha imtiyozlar taqdim etiladi.
