Fransiyaning Parij shahrida UNESCOning Raqamli ta’lim haftaligi — 2026 doirasida “Sun’iy intellekt davrida ta’lim: Faktlar, muammolar, yangi ufqlar” mavzusida xalqaro tadbir bo‘lib o‘tdi. Unda turli mamlakatlardan pedagoglar, ekspertlar va ta’lim sohasi vakillari ishtirok etib, sun’iy intellekt va raqamli texnologiyalarning ta’limdagi o‘rni yuzasidan fikr almashdi.
Quvonarlisi, Termiz shahridagi Prezident maktabi ingliz tili o‘qituvchisi Durdona Boynazarova xalqaro panel sessiyasida jahon ustozlari nomidan so‘zga chiqib, sun’iy intellekt davrida pedagoglarning o‘rni va ta’lim siyosatini shakllantirishdagi ishtiroki haqida fikr bildirdi.
Shuningdek, Behruz Ruziyev va Sevara Shamsiyeva ham tadbirda o‘z taqdimotlari bilan qatnashdi. E’tiborlisi, UNESCOning Parijdagi Raqamli ta’lim haftaligi tarixida ilk bor maktab o‘qituvchilari ta’lim vazirlari bilan bir qatorda panel sessiyalarida ishtirok etdi.
