Yo‘l bo‘yiga ekilgan har bir ko‘chat — obodonlashtirish emas, yashil kelajak uchun yaratilgan imkoniyat. Biroq Angor tumanida bu mehnatga bepisand munosabat holati aniqlandi.
“Talloshqon” MFYda yashovchi fuqaro X.K. M-39 avtomagistrali yoqasida tashkilotlar tomonidan ekilgan ko‘chatlar atrofida chorva mollarini boqib, nihollarning shikastlanishiga sabab bo‘lgan.
Tabiatga va obodonlashtirish ishlariga yetkazilgan zarar javobsiz qolmadi. Fuqaroga nisbatan Ma’muriy javobgarlik to‘g‘risidagi kodeksning 79-moddasi 1-qismiga asosan BHMning 25 baravari — 11 million so‘m jarima qo‘llanildi.
Bu holat oddiy jarima emas, yashil hududlarni asrashga befarq bo‘lmaslik kerakligini ko‘rsatuvchi navbatdagi saboqdir.
