Oʻzbekistonda taʼlim muassasalarida bolalarga nisbatan sodir etiladigan jismoniy yoki ruhiy zoʻravonlik uchun javobgarlik sezilarli darajada kuchaytirildi. Prezident tomonidan 11-sentabrda imzolangan yangi qonunga koʻra, bolalarni tarbiyalash va ularga taʼlim berish majburiyati yuklangan shaxslar:
Maʼmuriy jarimaga tortiladi: Bolaga nisbatan jismoniy zoʻravonlik yoki ruhiy tahqirlash sodir etilganligi uchun BHMning 1 baravaridan 5 baravarigacha jarima solinadi.
1 yilga taʼlimdan chetlatiladi: Bunday huquqbuzarlikni sodir etgan shaxslar 1 yil davomida bogʻchalar, maktablar, litseylar va boshqa qoʻshimcha taʼlim muassasalarida pedagogik faoliyat yuritish huquqidan mahrum etiladi.
Shuningdek, qonunga muvofiq, davlat taʼminotidagi bolalarga ota-onalar tomonidan aliment toʻlashni bekor qilishga yoʻl qoʻyilmaydi, aliment miqdorini kamaytirish jarayoniga esa «Inson» ijtimoiy xizmatlar markazi jalb etiladi.
