Yoshlarni sportga keng jalb etish, ularning bo‘sh vaqtini mazmunli tashkil etish hamda iqtidorli sportchilarni aniqlashda musobaqalar muhim ahamiyat kasb etadi. Termiz shahrida yoshlar, o‘smirlar va kichik o‘smirlar o‘rtasida kamondan otish bo‘yicha viloyat chempionati o‘tkazildi.
Unda vohaning shahar va tumanlaridan saralangan yosh sportchilar ishtirok etib, aniqlik, chaqqonlik va mahorat borasida o‘zaro bellashdilar. Yakunda yuqori natija qayd etgan ishtirokchilar g‘olib va sovrindorlar qatoridan joy oldi.
Mazkur chempionat yosh kamonchilar mahoratini oshirish, ular orasidan iqtidorli sportchilarni saralash va kamondan otish sportini yanada ommalashtirishga xizmat qiladi.
