Muzrabot tumanida aholi uchun qulay va zamonaviy muhit yaratish maqsadida eski bozor hududini qayta tashkil etish ishlari boshlandi.
Xalq yo‘li mahallasidagi eski dehqon, oziq-ovqat va mol bozori yangi bozorga ko‘chirilganidan so‘ng, 7 gektarlik hududni tozalash va tartibga keltirish ishlari olib borilmoqda. Talablarga javob bermaydigan devorlar, do‘konlar va boshqa inshootlar bosqichma-bosqich demontaj qilinmoqda. Kelgusida mazkur hududda zamonaviy savdo kompleksi va yangi turar joylar barpo etilishi rejalashtirilgan.
uman hokimi Abdulla Mamatqulov hududdagi ishlar bilan tanishib, demontaj va tozalash jarayonlarini xavfsizlik talablariga qat’iy rioya qilgan holda tashkil etish hamda keyingi bosqichlarni izchil amalga oshirish bo‘yicha mas’ullarga topshiriqlar berdi.
