Toshkent viloyatining Bo‘stonliq tumanidagi “Semurg‘” bolalar oromgohida “Yashil chiroq–2026” musobaqasining Respublika bosqichi qizg‘in davom etmoqda.
Unda mamlakatimizning 14 ta jamoasi yo‘l harakati xavfsizligi bo‘yicha bilim va mahoratini sinovdan o‘tkazmoqda. Bellashuvlarda Surxondaryo viloyati jamoasi ham faol ishtirok etib, o‘z bilim va ko‘nikmalarini namoyish qilmoqda.
Musobaqa davomida ishtirokchilar jamoaviy va yakka tartibdagi jami 13 ta shart bo‘yicha bellashib, yo‘l harakati qoidalarini bilishi, tezkor fikrlashi va amaliy ko‘nikmalarini sinovdan o‘tkazmoqda.
Bunday bellashuvlar yoshlar o‘rtasida yo‘l harakati madaniyatini yuksaltirish, xavfsizlik qoidalariga mas’uliyat bilan yondashish va bilimlarni amaliyotda qo‘llash ko‘nikmasini mustahkamlashga xizmat qiladi.
