Aholi uchun qulay va zamonaviy yashash muhitini yaratish, mahallalar infratuzilmasini rivojlantirish borasidagi islohotlar izchil davom etmoqda. Qumqo‘rg‘on tumanining “Yangiyer” mahallasida ham “Yangi O‘zbekiston qiyofasidagi” mahallalar dasturi doirasida keng ko‘lamli bunyodkorlik ishlari olib borilmoqda.
Loyiha asosida mahalla ichki yo‘llarini asfaltlash, piyodalar yo‘laklari barpo etish, elektr ta’minotini yaxshilash, yangi transformator va beton ustunlar o‘rnatish, tungi yoritish tizimini kengaytirish hamda ariqlarni betonlash ishlari bosqichma-bosqich amalga oshirilmoqda. Hozirda ichki ko‘chalarga asfalt yotqizish ishlari jadal sur’atlarda davom etmoqda.
Mazkur bunyodkorlik ishlari mahalla infratuzilmasini zamonaviy talablar asosida rivojlantirish, aholining turmush sifatini oshirish va hududning yanada obod hamda ko‘rkam qiyofa kasb etishiga xizmat qiladi.
