Termiz shahridagi Pedagogik mahorat markazida “Yil o‘qituvchisi” tanlovining uchinchi bosqich sinovlarida ishtirok etayotgan ustozlar bilan uchrashuv o‘tkazildi.
Uchrashuvda pedagoglarning tayyorgarlik jarayoni, kasbiy mahorati va ta’limdagi ilg‘or yondashuvlari haqida fikr almashildi. Ayniqsa, tanlov ishtirokchilarining aksariyatini yosh pedagoglar tashkil etayotgani ularning o‘z ustida ishlayotgani va kasbiy rivojlanishga intilayotganidan dalolat beradi.
Mazkur tanlov ustozlarning tajribasini namoyon etish, yangi g‘oyalarni ommalashtirish hamda pedagoglar o‘rtasida tajriba almashish uchun muhim imkoniyat yaratmoqda.
Barcha ishtirokchilarga tanlovning keyingi bosqichlarida omad va munosib natijalar tilaymiz. Zero, bilimli va fidoyi pedagoglar — ta’lim taraqqiyotining asosiy tayanchidir.
