O‘zbekiston mustaqilligining 35 yilligi arafasida aholini ijtimoiy qo‘llab-quvvatlash va yoshlarning munosib hayot kechirishi uchun sharoit yaratishga qaratilgan ezgu tashabbuslar davom etmoqda. Ana shunday tadbirlardan biri Termiz shahrida bo‘lib o‘tdi.
Termizda ijtimoiy himoyaga muhtoj bolalar uchun yangidan bunyod etilgan zamonaviy uy-joylarning tantanali topshirish marosimi tashkil etildi. Unda viloyat hokimligi, davlat va jamoat arboblari, nuroniylar, yoshlar, ommaviy axborot vositalari hamda madaniyat sohasi vakillari ishtirok etdi.
Tadbir davomida yoshlarni har tomonlama qo‘llab-quvvatlash, ularning farovon hayoti va kelajagi uchun yaratilayotgan imkoniyatlar alohida ta’kidlandi.
