Indoneziyaning Jakarta shahrida o‘tgan 23 yoshgacha bo‘lgan ayollar o‘rtasidagi boks bo‘yicha Osiyo chempionatida surxondaryolik sportchi Sevinch Xurramova yuksak natijaga erishdi.
65 kilogramm vazn toifasida bahs olib borgan o‘zbekistonlik bokschi finalda Hindiston vakili Kajalni 4:1 hisobida mag‘lub etib, Osiyo chempionligi unvonini qo‘lga kiritdi.
Mazkur g‘alaba Sevinch Xurramovani Surxondaryo tarixida 23 yoshgacha bo‘lgan qizlar o‘rtasida boks bo‘yicha ilk Osiyo chempioniga aylantirdi. Bu natija viloyatda ayollar sporti, xususan boks maktabining izchil rivojlanayotganini tasdiqlovchi muhim yutuq sifatida e’tirof etilmoqda.
