Hududlarni obod qilish va mahalliy muammolarni hal etishda fuqarolarning bevosita ishtiroki muhim omil hisoblanadi. “Open byudjet” loyihasi esa aholi tashabbuslarini amaliy natijaga aylantirish uchun keng imkoniyat yaratmoqda.
2026-yilgi “Tashabbusli byudjet” jarayonining ikkinchi mavsumi boshlandi. 15-iyuldan 3-avgustga qadar fuqarolar o‘z hududini rivojlantirishga qaratilgan taklif va loyihalarini Openbudget.uz portali orqali taqdim etishlari mumkin.
Bu mavsumning o‘ziga xos jihati — loyihalarni hamkorlik asosida amalga oshirish imkoniyati ham yaratilganidir. Endilikda tashabbuslar tashkilotlar yoki homiylar bilan sheriklikda ham ilgari surilishi mumkin.
Loyihalarni qabul qilish yakunlangach, ular saralash va ovoz berish bosqichidan o‘tadi. G‘olib tashabbuslar esa 1-sentyabr — O‘zbekiston Respublikasi Mustaqilligining 35 yilligi arafasida e’lon qilinadi.
