Qumqo‘rg‘on tumanidagi 63-son umumta’lim maktabida 180 o‘rinli yangi o‘quv binosi qurilishi jadal davom etmoqda.
Yangiobod mahallasida amalga oshirilayotgan loyiha bilan Xalq deputatlari tuman Kengashi kotibiyati mudiri Sh. Abdusamatov tanishib, qurilish sifati, ishlar sur’ati hamda belgilangan muddatlarga rioya etilishini o‘rgandi.
Qiymati 4 milliard 766 million so‘mlik loyiha yakunlangach, maktabning o‘quv quvvati oshib, o‘quvchilar uchun yanada qulay va zamonaviy ta’lim muhiti yaratiladi. Bu esa ta’lim sifatini yaxshilash va qo‘shimcha o‘quv o‘rinlariga bo‘lgan ehtiyojni kamaytirishga xizmat qiladi.
