O‘zbekiston Respublikasi Prezidentining PQ-393-son qarori ijrosi doirasida tumanning Mehrobod mahallasidagi 72-son umumta’lim maktabida 140 o‘rinli yangi o‘quv binosi qurilishi davom etmoqda.
Qiymati 4 milliard 912 million so‘mlik loyiha maktabdagi o‘quv o‘rinlari sonini ko‘paytirib, zamonaviy va qulay ta’lim muhitini yaratishga xizmat qiladi. Bu esa o‘quvchilarning sifatli ta’lim olishi, maktab infratuzilmasini yaxshilash hamda ta’lim tizimidagi dolzarb ehtiyojlarni hal etishda muhim ahamiyat kasb etadi.
Mazkur bunyodkorlik ishlari davlatimiz tomonidan ta’lim sohasini rivojlantirish va yosh avlod uchun munosib sharoitlar yaratishga qaratilayotgan e’tiborning amaliy ifodasidir.
