30-iyun – Yoshlar kuni munosabati bilan Termiz shahrida “Yangi O‘zbekiston – yoshlar mamlakati!” shiori ostida keng ko‘lamli Yoshlar festivali va gala-konsert bo‘lib o‘tdi.
Festival yoshlarning bilim, iste’dod va tashabbuslarini namoyon etish, ularning ijodiy hamda intellektual salohiyatini qo‘llab-quvvatlashga xizmat qildi. Tadbir doirasida ko‘rgazmalar, sport musobaqalari, madaniy-ma’rifiy loyihalar va konsert dasturlari tashkil etildi.
Shuningdek, ilm-fan, sport, tadbirkorlik, madaniyat va jamoatchilik sohalarida yuksak natijalarga erishgan yoshlar munosib taqdirlandi. Bayram yoshlarni yangi marralar sari ruhlantirish, ularning jamiyat taraqqiyotidagi o‘rni va Yangi O‘zbekistonni barpo etishdagi muhim hissasini yana bir bor namoyon etdi.
