Termiz shahrida “Yoshlar oyligi” doirasida o‘tkazilgan “Tashabbuslar marafoni” Surxondaryodagi faol va tashabbuskor yoshlar uchun o‘z g‘oya va loyihalarini namoyish etish maydoniga aylandi.
Marafonda Surxondaryo viloyati Maktabgacha va maktab ta’limi boshqarmasi tizimidagi maktabgacha ta’lim tashkilotlari jamoalari ham faol ishtirok etib, ta’lim-tarbiya jarayoniga oid innovatsion ishlanmalar, ijodiy yondashuvlar va ilg‘or tajribalarini taqdim etdilar.
Tadbir maktabgacha ta’limda zamonaviy metodlarni ommalashtirish, pedagoglarning tashabbuskorligini qo‘llab-quvvatlash hamda bolalarning intellektual va ijodiy salohiyatini rivojlantirishga xizmat qiladigan samarali g‘oyalarni keng targ‘ib etishi bilan ahamiyat kasb etdi.
