Koreya Respublikasida Transport vazirligi, “O‘zbekiston temir yo‘llari” AJ vakillari hamda Hyundai Rotem kompaniyasi prezidenti Lee Yong Bae o‘rtasida uchrashuv bo‘lib o‘tdi. Unda temir yo‘l sohasidagi hamkorlikning joriy holati va istiqbolli loyihalar muhokama qilindi.
Xususan, “O‘zbekiston temir yo‘llari” AJ uchun ishlab chiqarilayotgan “Jaloliddin Manguberdi” yuqori tezlikda harakatlanuvchi elektropoyezdini belgilangan muddatlarda yetkazib berish masalalari ko‘rib chiqildi.
Shuningdek, Toshkent–Termiz va Toshkent–Andijon yo‘nalishlarida yuqori tezlikdagi poyezdlar harakatini yo‘lga qo‘yish doirasida 8 ta zamonaviy elektropoyezdni yetkazib berish loyihasi bo‘yicha texnik shartlarni yakuniy kelishish jarayoni muhokama etildi.
Uchrashuv yakunida tomonlar hamkorlikni yanada kengaytirish, qo‘shma loyihalarni samarali amalga oshirish hamda temir yo‘l transportini modernizatsiya qilish bo‘yicha ishlarni davom ettirishga kelishib oldilar.
