Boysun tumanida “Milliy o‘yinlar” festivali tashkil etildi. Tadbir milliy qadriyatlarni asrab-avaylash, yosh avlodni vatanparvarlik ruhida tarbiyalash hamda oilaviy va umuminsoniy axloqiy mezonlarni mustahkamlash maqsadida o‘tkazildi.
Festival davomida milliy o‘yinlar, sport musobaqalari va ko‘rgazmali chiqishlar namoyish etilib, ishtirokchilar o‘zaro bellashdilar. Shuningdek, xalqimizning boy madaniy merosi va an’analari keng targ‘ib qilindi.
Mazkur tadbir yoshlarning bo‘sh vaqtini mazmunli tashkil etish, ularda milliy g‘urur va iftixor tuyg‘ularini kuchaytirish hamda oilaviy qadriyatlarni yanada mustahkamlashga xizmat qildi.
