Aholi salomatligini asrash, kasalliklarni erta aniqlash va ularning oldini olish bugungi kunda sog‘liqni saqlash tizimining eng muhim yo‘nalishlaridan biridir. Shu bois profilaktik tibbiy ko‘riklar va sog‘lom turmush tarzini targ‘ib etish bo‘yicha amaliy ishlar izchil davom ettirilmoqda.
“Salomatlik marafoni” tadbirlari doirasida Boysun tumanidagi 9-sonli oilaviy poliklinikada malakali shifokorlar tomonidan chuqurlashtirilgan tibbiy ko‘rik tashkil etildi. Unda fuqarolar terapevt, kardiolog, nevrolog, endokrinolog va boshqa mutaxassislar ko‘rigidan o‘tkazilib, qon bosimi, qondagi glyukoza miqdori hamda muhim tibbiy ko‘rsatkichlar tekshirildi.
Shuningdek, aholiga sog‘lom turmush tarzini shakllantirish, to‘g‘ri ovqatlanish, jismoniy faollikni oshirish va kasalliklarning oldini olish bo‘yicha tavsiyalar berildi.
Mazkur tadbir aholining tibbiy madaniyatini yuksaltirish, sog‘lom turmush tarzini keng targ‘ib qilish hamda fuqarolar salomatligini mustahkamlashga xizmat qilmoqda.
