Mutolaa inson tafakkurini boyitadi, dunyoqarashini kengaytiradi hamda yoshlarni yuksak maqsadlar sari yetaklaydi. Shu bois kitobxonlikni rivojlantirish va kutubxona fondlarini boyitish bugungi kunda dolzarb ahamiyat kasb etmoqda.
Yoshlar ishlari agentligi tashabbusi bilan yo‘lga qo‘yilgan “Kitoblar karvoni” Surxondaryo viloyatiga yetib keldi. #YoshlarOyligiga munosib tuhfa sifatida qabul qilingan mazkur kitoblar viloyat, tuman va shahar axborot-kutubxona markazlari hamda oliy ta’lim muassasalari kutubxonalariga yetkaziladi.
Ushbu tashabbus yoshlar o‘rtasida kitobxonlik madaniyatini yuksaltirish, bilimga bo‘lgan qiziqishni oshirish hamda ma’naviy-ma’rifiy muhitni yanada mustahkamlashga xizmat qiladi.
