1-iyun — Xalqaro bolalarni himoya qilish kuni munosabati bilan tibbiy-ijtimoiy ko‘makka muhtoj bolalarni qo‘llab-quvvatlash, ularning salomatligini muhofaza qilish hamda jamiyatda mehr-oqibat muhitini mustahkamlash bugungi kunning muhim vazifalaridan biridir. Shu maqsadda beg‘araz donorlik an’analari tobora kengayib bormoqda.
O‘zbekiston “Adolat” sotsial-demokratik partiyasi tashabbusi bilan an’anaviy tarzda o‘tkazilayotgan “Bor mehrimiz senga, bolajon!” shiori ostidagi beg‘araz donorlik aksiyasi Qumqo‘rg‘on tumani Tibbiyot birlashmasida ham tashkil etildi. Unda tuman fuqarolari, yoshlar va jamoatchilik vakillari faol ishtirok etib, inson hayotini saqlab qolishga o‘z hissalarini qo‘shmoqda.
Donorlik insonparvarlik, mehr-oqibat va yuksak fuqarolik mas’uliyatining yorqin ifodasidir. Ayniqsa, muolajaga muhtoj bolalar uchun topshirilgan har bir tomchi qon ularning sog‘ayishi va kelajakka bo‘lgan umidini mustahkamlashga xizmat qiladi.
Mazkur xayrli tashabbus jamiyatda mehr-oqibatni kuchaytirish hamda bolalar salomatligini himoya qilishga xizmat qilmoqda.
