Termiz shahrida hududlar uchun namunaviy hisoblangan ilk “Yagona migratsiya markazi” faoliyati yo‘lga qo‘yildi. Zamonaviy markaz xorijda ishlash istagidagi fuqarolarga zarur xizmatlarni bir joyning o‘zida taqdim etadi.
Bu yerda fuqarolar xalqaro mehnat bozorida talab yuqori bo‘lgan kasblarga o‘qitiladi, xorijiy tillarni o‘rganadi, xalqaro sertifikatlar uchun imtihon topshiradi hamda hujjatlarni rasmiylashtirish va viza olish bo‘yicha amaliy yordam oladi.
Markazning ishga tushirilishi aholining mehnat bozoridagi raqobatbardoshligini oshirish, xavfsiz va tartibli mehnat migratsiyasini ta’minlash hamda fuqarolar uchun byurokratik to‘siqlarni kamaytirishda muhim qadam bo‘ldi. Shu bilan birga, u xorijda mehnat faoliyatini qonuniy va samarali tashkil etish imkoniyatlarini kengaytiradi.
