Surxondaryo viloyati hokimi Ulug‘bek Qosimov Angor tumanida qishloq xo‘jaligi sohasidagi ishlar, xususan, g‘alla o‘rimi va g‘o‘za parvarishi jarayonlari bilan tanishdi.
Fermerlar va soha mutaxassislari bilan o‘tkazilgan uchrashuvda mavsumiy ishlarni samarali tashkil etish, texnika va resurslardan unumli foydalanish hamda agrotexnik tadbirlarni o‘z vaqtida amalga oshirish masalalari muhokama qilindi.
Shuningdek, g‘alla maydonlarida o‘rim ishlari ko‘zdan kechirilib, hosilni qisqa muddatlarda va talafotsiz yig‘ib olishning ahamiyati ta’kidlandi. Bu esa nafaqat dehqon mehnati samaradorligini oshirish, balki viloyatning oziq-ovqat xavfsizligini mustahkamlashga ham xizmat qiladi.
