Muzrabot tumanining “Shaffof” mahallasida aholi xavfsizligi va qulayligini oshirishga qaratilgan obodonlashtirish ishlari jadallik bilan davom etmoqda. Xususan, markaziy ko‘chalarga energiya tejamkor quyosh panelli yoritish chiroqlari o‘rnatilib, tungi vaqtda harakatlanish uchun yanada qulay sharoit yaratilmoqda.
Mazkur loyiha nafaqat elektr energiyasini tejash, balki yo‘l harakati va jamoat xavfsizligini mustahkamlashda ham muhim ahamiyat kasb etadi. Shu bilan birga, hududda ko‘kalamzorlashtirish, sanitariya-tozalash va obodonlashtirish ishlari ham izchil olib borilmoqda.
Amalga oshirilayotgan bunyodkorlik ishlari Shaffof mahallasining zamonaviy qiyofasini shakllantirib, aholi turmush sifatini yanada yaxshilashga xizmat qilmoqda.
