Termiz shahridagi “Yoshlar markazi”da yoshlar yetakchilari hamda tuman-shahar bosh mutaxassislari uchun “Yoshlar yagona elektron platformasi” bo‘yicha o‘quv-seminar tashkil etildi.
Seminarda e-yoshlar tizimi, yangi platforma va KPI tizimining ishlash tartibi, imkoniyatlari hamda qulayliklari batafsil tushuntirildi. Mutaxassislar tomonidan tizimga sun’iy intellekt texnologiyalarini joriy etish, raqamlashtirish va kiberxavfsizlik masalalariga alohida e’tibor qaratildi.
Mazkur platforma yoshlar bilan ishlash jarayonini yanada samarali tashkil etish, ma’lumotlar almashinuvini soddalashtirish hamda yoshlar muammolarini tezkor hal etishda muhim ahamiyat kasb etadi.
