Milliy gvardiya Surxondaryo viloyati boshqarmasida Amir Temur tavalludining 690 yilligi munosabati bilan “Buyuk temuriylar tarixi va madaniy merosi” loyihasi doirasida “Temurbek” kitobi taqdimotiga bag‘ishlangan ma’naviy-ma’rifiy tadbir o‘tkazildi.
Unda harbiy xizmatchilar, ofitser va serjantlar ishtirok etdi. Tadbir davomida Amir Temurning jasorati, yuksak strategik tafakkuri hamda Vatanga sadoqatga asoslangan hayot yo‘li haqida so‘z yuritildi.
So‘zga chiqqanlar “Temurbek” kitobi yoshlarni vatanparvarlik, milliy g‘urur va tarixiy merosga hurmat ruhida tarbiyalashda muhim ahamiyat kasb etishini ta’kidladi. Tadbir ishtirokchilarda buyuk ajdodlar merosiga bo‘lgan qiziqish va faxr tuyg‘ularini yanada mustahkamladi.
