Hududning turistik salohiyatini oshirish va aholi uchun qulay hordiq chiqarish maskanlarini yaratish maqsadida Degrez suv ombori atrofida yangi zamonaviy dam olish hududi tashkil etilishi rejalashtirilmoqda.
Ayni paytda loyiha uchun investor jalb qilinib, loyihalash ishlari olib borilmoqda. Kelgusida bu yerda oilaviy dam olish zonalari, zamonaviy infratuzilma hamda turizm xizmatlari yo‘lga qo‘yilishi ko‘zda tutilgan.
Mazkur loyiha hududning jozibadorligini oshirish, ichki turizmni rivojlantirish va aholining mazmunli hordiq chiqarishi uchun muhim ahamiyat kasb etadi.
