Yosh avlodning sportga bo‘lgan qiziqishi va iste’dodini qo‘llab-quvvatlash borasida amalga oshirilayotgan ishlar o‘z samarasini bermoqda. Termiz shahridagi yosh sportchilar ham turli musobaqalarda munosib natijalarni qayd etmoqda.
Termiz shahridagi 16-sonli davlat maktabgacha ta’lim tashkiloti tarbiyalanuvchisi Hamzayeva Durdona badiiy gimnastika bo‘yicha o‘tkazilgan ochiq turnirda “Yakkalik” chiqish mashqlari yo‘nalishida faxrli 1-o‘rinni qo‘lga kiritdi.
Yosh sportchining ushbu yutug‘i uning mehnati, iste’dodi va murabbiylarining samarali sa’y-harakatlari natijasidir.
