Qurbon hayiti arafasida yurtimizda mehr-saxovat va insonparvarlik tamoyillari asosida amalga oshirilayotgan ezgu tashabbuslar ko‘plab oilalarga quvonch ulashmoqda. Ayniqsa, sog‘lig‘ida muammosi bor bolalarni qo‘llab-quvvatlashga alohida e’tibor qaratilmoqda.
Sherobod tumanida yashovchi Fotima va Zuhra ismli bolajonlarning ko‘z jarrohlik amaliyoti uchun zarur xarajatlar “Vaqf” xayriya jamoat fondi tomonidan qoplab berilishi belgilandi. Endilikda ular ham dunyoni yorug‘ va musaffo holda ko‘rish imkoniga ega bo‘lmoqda.
Bu kabi insonparvar tashabbuslar ehtiyojmand oilalarga umid bag‘ishlab, jamiyatda mehr-oqibat va saxovat muhitini yanada mustahkamlamoqda.
